Əkrəm Əylisli: «Müraciətimiz cavabsız qalacaqsa, nəticə çıxarmalıyıq»

Rüstəm İbrahimbəyov: «Ziyalılar adından memorandum hazırlanır»

Ziyalıların həbsdə olan jurnalistlərlə bağlı prezident İlham Əliyevə ünvanladıqları müraciətə hələd əcavab verilməyib. «Azadlıq Radiosu» problemin səbəbini və bu barədə tərəflərin münasibətini araşdırmağa çalışıb. Yazıçı, deputat Əkrəm Əylisli bildirib ki, yüz Azərbaycan ziyalısı ölkə rəhbərliyinə müraciət edirsə və bu tamamilə cavabsız qalırsa, bu bir az ağır, adamı sarsıdan məsələdir…Mənə ağır o gələrdi ki, ağır zərbə olardı ki, yüz ziyalı, biri də mən müraciət edim reaksiya verilməsin…».
Ə.Əylisli daha sonra vurğulayıb ki, prezident hökmən deməli deyil ki, jurnalisti açın buraxın, getsin yaşasın. «Ziyalıları çağıra bilər ki, bu münasibət mənə aydın deyil, o başqa şeyə görə həbs edilib. Misal üçün də, yəni tam reaksiyasız qalması bir az ağır söhbətdir. Bu günlərdə jurnalistlərlə bağlı tədbirlər oldu. Bu tədbirlərin ən güclüsü, təsirlisi, hətta ən faydalısı - bizim müraciətimizə cavab olardı. Eynulla Fətullayevin azad olunmağı Həsən bəy Zərdabinin ruhuna hörmətin əlaməti olardı». Yazıçı hesab edir ki, müraciətin cavabsız qalacağına inanmır. Qalacaqsa biz nəticə çıxarmalıyıq…».
Sennarist, müracciətin müəlliflərindən biri Rüstəm İbrahimbəyov da bildirib ki, onlara hər hansı şəkildə cavab verilməyib. Buna görə də, ziyalılar adından memorandum hazırlanır və həmin sənəddə ölkədə baş verən bir sıra məsələlərlə yanaşı müraciətə cavab verilməməsinə də aydınlıq gətiriləcək. «Yeri gəlmişkən, müraciət göndəriləndən bəri prezident vaxt tapıb Mətbuat Şurasının yeni binasının açılışına qatıldı, jurnalistlərə əməkdar ad və ev tikilməsiylə bağlı fərman verdi, bəzi qəzet və informasiya agentliklərinə iyirmi min manat pul da ayırdı…Amma ziyalıların ricasına cavab gəlmədi ki, gəlmədi».
«Azərbaycan» qəzetinin redaktoru, Mətbuat Şurasının üzvü Bəxtiyar Sadıqov isə bildirib ki, prezidentin yerinə danışa bilməz: «Əkrəm Əylisli nə zaman deputat kimi prezidentə müraciət edib cavab almayıb? İndi belə bədgüman danışır?...Heç nə deyə bilmərəm mən…».